طريقة تحضير جوبي فرايز اللذيذ/بطاطس بالدجاج والجبن/بطاطس بالجبنة/French fries with chicen and cheese Malaysia

بسم الله الرحمن الرحيم السلام عليكم ورحمة الله وبركاته أول شي نبداء بتحضير تشيز صوص (صوص الجبن) بالطريقة الكلاسيك يعني بالطريقة الأصلية بدون أي إضافات أو ملونات طعام , والتشيز صوص مكون رئيسي في وصفتنا اليوم ونقدر نستخدمها مع البروست او البرجر والبطاطس والتكساس فرايز و التاكو. مكونات التشيز صوص: ربع كوب دقيق - ربع كوب زبدة - كوب جبنة تشيدر - كوب حليب -رشتين ملح او ملعقة صغيرة . الطريقة : نذوب الزبدة وبعدها نضيف الدقيق ونحمسو شوية مع الزبدة وبعدها نبعدو عن النار وننظره يبرد دقايق ونضيف الخليب بعدها نحركو ونرجعو على نار هاديه وننتظره يثقل زي الباشميل وبعدها نضيف الجبنة والملح . ملاحظه ( اذا حابين تضيفو شوي ببركا أو فلفل أسود وملون طعام ) ملاحظه مهمه ( راح يطلع صوص الجبن بلون غامق طبيعي على حسب لون الجبن التشيدر فكل ماتخدوها بلون أورنج غامق تطلع ألذذذذ ) مكونات وطريقة الوصفة : بطاطس طازجة غير مثلجة نقطعها شرايح بدون تقشير ( تقدرو تستخدمو بطاطس مثلجة متبلة أو بطاطس الودجز ) والودجز أقرب للوصفة - ربع كوب بقسماط -ربع كوب دقيق + شوفان - نص كوب لبن زبادي مع الكركم -رانش صوص - كاتشب. البهارات ملعقة كبيره ( ببركا - بهارات الكيجين ) ملعقة صغيرة (فلفل أسود - ملح ) نخلط كل المكونات ونقلي البطاطس ملاحظة ( طبعا لو استخدمنا بطاطس الودجز أو المتبله مايحتاج نحط الخلطة ابداااا بس نقلي البطاطس وتستخدموها على طول ) دجاج استربس مجمدة جاهزه ( نقليها وبعدها نقطعها مكعبات ونحطها فوق البطاطس لو نحب الحار بعد ماتطلعو الدجاج من الزيت وهو ساخن نقطعو على طول ونحطو في علبة فيها صوص الدجاج الحار أو تستبدلو الصوص بالشطة العادية شطة رنا او كرستال ، ونبداء نرج العالبة لما تندمج ونترك العلبة مقفله دقايق علشان يتكرمل الصوص مع حرارة الدجاج. بعدها نحط البطاطس في صحن التقديم او بكس ونحط عليها قطع الدجاج وبعدها الجبنة والرانش صوص والكاتشب وممكن تضيفو فلفل الهالبينو و بصل أخضر على الوجه . طبعا الصوصات الجانبية ممكن تضيفو سويت اند سور صوص مع الرانش والبو تشيس للتغميس مررره طعممم ولذيذذذ. وعليكم بالعافية #جوبي_فرايز #بطاطس #وصفات_سريعة #فرايز #تشيز_فرايز #وجبات_عائلية #وجبة_أطفال #هابي_ميل #عشاء #بطاطس_بالجبنة ##food #chiken_fries #fries #chiken #ketchen #طبخ #مطبخ

Category