Doctor' Ngaihsaklouhna ziak in Naungek in Sihna Tuak; Mipi Lungkimlou

August 6, 2020 nitak in Dorcas veng a teng unaupa Lamlawmpiak leh Ngainunfel tapa deihthoh huaitak mai naungek Genthian in damlouhna a tuahziak in a veng sung ua Senior Doctor khat kawkmuhna dungzui in District Hospital va zuan mahle uh kichiantak a etkol leh admit ahihlouh ziak in sihna tuak hi. Hiai thu ziak in tuni, August 7, 2020 in veng sung V/A leh YPA heutute makaihna toh mipi kikaikhawm in lungkimlouh latsakna leh memorandum piakna neih sawm uhi. I gamsung ah hiai bang thiltung deihhuai loutak mai tung nawn kei leh chih mipi deihdan ahi. I hinna ei thuneihna hikei mahleh, i damlouh hun a i muanpen doctor leh nurse-te'n hoihtak in a zawng a hau khentuam omlou in hon kem le uh chih naungek nu-le-pa in a deihpen uleh a duhthusam uh hi a, kuamah in amau thiltuah bang tuak nawn kei leh chih a thumna uh ahi. Naungek Genthian sungkuante i sunpih petmah ahi. Rest in Peace! Please, Like, Subscribe & Share

Category